अत्तरिया–गड्डाचौकी सडक स्तरोन्नतिमा चरम ढिलासुस्ती र लापरबाही

कैलाली । पूर्व–पश्चिम राजमार्गअन्तर्गत कैलालीको अत्तरियादेखि कञ्चनपुरको गड्डाचौकीसम्मको सडक स्तरोन्नतिमा चरम ढिलाइ भइरहेको छ ।

अत्तरियादेखि गड्डाचौकीसम्मको ४० किलोमिटर सडकखण्ड बढी जनघनत्व र जोखिमयुक्त क्षेत्र भएकाले स्तरोन्नतिका लागि २०७८ कात्तिकमा रघुवीर साउदको मैनाचुली–मालिका एमबिए जेभीले तीन अर्ब ७२ करोड रुपैयाँमा ठेक्का पाएको थियो । २०७९ असार मसान्तसम्म सम्पन्न गर्नुपर्ने काम अहिलेसम्म पनि पूरा भएको छैन ।