राज्यले नागरिकको मुख थुनेर अधिनायकवादी शैलीमा शासन गर्न खोज्यो : गगन थापा

काठमाडौँ । राज्यले नागरिकको मुख थुनेर अधिनायकवादी शैलीमा शासन गर्न खोजेको नेपाली कांग्रेसले आरोप लगाएको छ।

४४औँ बीपी स्मृति दिवसको तयारीका सन्दर्भमा नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले आज आयोजना गरेको विशेष छलफलमा पार्टी सभापति गगनकुमार थापाले नागरिकले सत्तामाथि प्रश्न उठाउने अधिकार कसैले रोक्न नसक्ने भन्दै पार्टी नेता, सञ्चारमाध्यम र व्यवसायीलाई लक्षित गरी सरकारी संयन्त्रको दुरुपयोग भएको आरोप लगाए।