बिलिङ ठेक्का खरिद प्रकरणमा निर्दोष ठहरिएपछि जिम्मेवारीमा फर्किइन् टेलिकमकी एमडी

काठमाडौं । नेपाल टेलिकमको प्रबन्ध निर्देशकमा संगीता पहाडी अर्याल पुनर्वहाल भएकी छन् । टेलिकमको बिलिङ ठेक्का खरिद प्रकरणमा विशेष अदालतबाट सफाइ पाएपछि सरकारले उनलाई पुनः प्रबन्ध निर्देशकको जिम्मेवारीमा फर्काएको हो ।

सूचना तथा सञ्चार मन्त्रालयले २६ असारमा मन्त्रीस्तरीय निर्णय गर्दै पहाडीको निलम्बन फुकुवा गरेको थियो । यसअघि अख्तियार दुरुपयोग अनुसन्धान आयोगले साढे ३३ करोड रुपैयाँ बिगो दाबी गर्दै विशेष अदालतमा मुद्दा दायर गरेपछि उनी निलम्बनमा परेकी थिइन् ।