नेपाल भित्र्याइएका ६४९ वटा बीवाईडी विद्युतीय सवारी (ईभी) को भन्सार जाँचपास प्रक्रियामा कुनै अनियमितता नभेटिएको सरकारी छानबिन समितिले निष्कर्ष

मुस्ताङको कोरला नाका हुँदै नेपाल भित्र्याइएका ६४९ वटा बीवाईडी विद्युतीय सवारी (ईभी) को भन्सार जाँचपास प्रक्रियामा कुनै अनियमितता नभेटिएको सरकारी छानबिन समितिले निष्कर्ष निकालेको छ।

प्रधानमन्त्री तथा मन्त्रिपरिषद् कार्यालयको निर्देशनमा भन्सार विभागका निर्देशक भुपालराज शाक्यको नेतृत्वमा गठित समितिले १२ र १३ जेठमा जाँचपास भएका गाडीहरूको अध्ययनपछि ‘गाडी यार्डमा नपुग्दै जाँचपास गरिएको’ भन्ने आरोप असत्य रहेको जनाएको हो। समितिमा अर्थ मन्त्रालय, भन्सार विभाग, नेपाल प्रहरी र सशस्त्र प्रहरी बलका प्रतिनिधि सहभागी थिए।