आईएसएमटी कलेजका ४१५ विद्यार्थी दीक्षित

काठमाडौं । काठमाडौँस्थित बेलायतको सन्डरल्याण्ड विश्वविद्यालयबाट सम्बन्धन प्राप्त आईएसएमटी (आईएसएमटी) कलेजको दीक्षान्त समारोह भव्य रूपमा सम्पन्न भएको छ। होटल याक एण्ड यतीमा आयोजना गरिएको उक्त विशेष समारोहमा विभिन्न संकायका कुल ४१५ जना विद्यार्थीहरू दीक्षित भएका छन्।

कलेजका अनुसार उक्त समारोहमा नबिल बैंक लिमिटेडका पूर्वप्रमुख कार्यकारी अधिकृत अनिल केशरी शाह प्रमुख अतिथिका रूपमा उपस्थित थिए । समारोहमा सन्डरल्याण्ड विश्वविद्यालय का उच्च तहका प्रतिनिधिहरू तथा अभिभावकहरूको समेत बाक्लो उपस्थिति रहेको थियो। यस वर्ष बीबीए, बीएचएम, बीएससीआईटी र एमबीए तह उत्तीर्ण गरेका विद्यार्थीहरूलाई दीक्षित गरिएको कलेजले जनाएको छ।