यस्ता छन् कांग्रेसको पहिलो बैठकका चार निर्णय

नेपाली कांग्रेसको १४औं महाधिवेशनबाट निर्वाचित केन्द्रीय कार्यसमितिको पहिलो बैठकले चार वटा निर्णय गरेको छ।

सानेपास्थित केन्द्रीय कार्यालयमा बसेको पहिलो बैठकले बीपी कोइरालादेखि सुशील कोइरालासम्म कांग्रेसको नेतृत्व गरेका नेताहरूप्रति सम्मान प्रकट गर्दै पार्टीलाई एकताबद्ध ढंगले अगाडि बढाउने संकल्प गरेको छ। कांग्रेसको पहिलो निर्णयमा भनिएको छ, “१४औं महाधिवेशनमा प्रकट भएको उत्साह, एकता र रुपान्तरणको गहिरो भावना आत्मसात गर्दै इतिहासले सुम्पिएको जिम्मेवारीलाई एकताबद्ध ढंगले सम्पादन गर्ने संकल्प र दृढता यो प्रथम बैठक व्यक्त गर्दछ।”