बाढी–पहिरोको जोखिमपछि मकवानपुरका दुई सडकखण्डमा राति सवारी सञ्चालन रोक

अविरल वर्षापछि बाढी, पहिरो र खोलानालामा पानीको बहाव बढेपछि मकवानपुरका दुई प्रमुख सडकखण्डमा रातिको समयमा सवारी सञ्चालनमा रोक लगाइएको छ।

जिल्ला प्रशासन कार्यालय मकवानपुरले सोमबार सूचना जारी गर्दै यात्रुको सुरक्षा र सम्भावित दुर्घटना न्यूनीकरणका लागि हेटौँडा–ठिंगन–बागमती–ललितपुर सडक तथा हेटौँडा–भैंसे–भीमफेदी–देउराली–सिस्नेरी–काठमाडौँ सडकमा तोकिएको समयपछि सवारी सञ्चालन नगर्न आग्रह गरेको हो।