सार्वजनिक वित्त उपसमितिद्वारा त्रिभुवन अन्तर्राष्ट्रिय विमानस्थलमा अनुगमन

काठमाडौं । प्रतिनिधिसभाअन्तर्गतको अर्थ समितिको सार्वजनिक वित्त उपसमितिले त्रिभुवन अन्तर्राष्ट्रिय विमानस्थलस्थित अध्यागमन कार्यालय तथा त्रिभुवन विमानस्थल भन्सार कार्यालयको स्थलगत अनुगमन गरेको छ । संयोजक सांसद सुशील खड्काको नेतृत्वमा आज (सोमबार) अनुगमन गरिएको हो ।

अनुगमनका क्रममा उपसमितिले अध्यागमन तथा भन्सार प्रशासनको सेवा प्रवाह, सूचना प्रविधिको प्रयोग, राजस्व व्यवस्थापन, यात्रु तथा विदेशी पर्यटकले भोगिरहेका समस्या, व्यापार सहजीकरण, विमानस्थलभित्र सञ्चालित क्याफे तथा पसलहरूको अवस्थालगायत विषयमा अवलोकन गरेको थियो ।