अब एजुकेसन कन्सल्टेन्सीमा डिजिटल भुक्तानी अनिवार्य, विद्यार्थीलाई अनलाइन परामर्श दिनुपर्ने

काठमाडौं । शिक्षा तथा खेलकुद मन्त्रालयले एजुकेसन कन्सल्टेन्सीहरूलाई व्यवस्थित, पारदर्शी र प्रविधिमैत्री बनाउन नयाँ नियमावली जारी गरेको छ । शैक्षिक परामर्श, भाषा शिक्षण र तयारी कक्षा सञ्चालन गर्ने संस्थालाई नियमन गर्नेगरी नयाँ नियमावली लागु गरिएको हो ।

२५ असारमा नेपाल राजपत्रमा नियमावली प्रकाशन भएसँगै अब कन्सल्टेन्सी क्षेत्रमा नयाँ कानुनी व्यवस्था लागु भएको छ । नियमावली अनुसार अब शैक्षिक परामर्श संस्थाहरू (कन्सल्टेन्सी) ले सेवाग्राहीबाट कुनै पनि शुल्क नगदमा लिन पाउने छैनन् । उनीहरूले सबै प्रकारका वित्तीय कारोबार अनिवार्य रूपमा डिजिटल माध्यमबाट मात्र गर्नुपर्नेछ ।