नारायणगढ–मुग्लिन सडकमा सवारी आवतजावत पूर्णरुपमा रोक लगाउने प्रशासनको निर्णय

लगातारको भारी वर्षाका कारण नारायणगढ–मुग्लिन सडक खण्डका विभिन्न स्थानमा पहिरो गएपछि जिल्ला प्रशासन कार्यालय चितवनले सवारी आवागमनमा पूर्ण रोक लगाउने निर्णय गरेको छ ।

सोमबार साँझ एक सार्वजनिक सूचना जारी गर्दै प्रशासनले अर्को सूचना नभएसम्मका लागि सबै प्रकारका सवारी साधनलाई यस सडक खण्डमा चल्न निषेध गरेको हो ।