ललितपुरमा उज्यालो र सुरक्षित सहर अभियान

ललितपुर। ललितपुर महानगरपालिकाले उज्यालो र सुरक्षित सहर अभियानलाई तीव्रता दिएको छ।

महानगरको बजेटका सन्दर्भमा जानकारी दिन सोमबार आयोजित पत्रकार सम्मेलनमा मेयर चिरिबाबु महर्जनले ललितपुरलाई उज्यालो सहर बनाउन नेपाल विद्युत् प्राधिकरणको सहकार्यमा हाई मास र स्मार्ट स्ट्रिट लाइट जडान तीव्र पारिएको जानकारी दिए। हाल चक्रपथ खण्ड (बालकुमारीदेखि सानेपासम्मको ७.९ किलोमिटर) मा पोलहरू गाड्ने काम सकिएको छ। करिब एक महिनाभित्र यो खण्ड पूर्ण रूपमा उज्यालो हुने महानगरले जनाएको छ।