प्रगति नभएका जलविद्युत् आयोजना अध्ययन गरी आवश्यक निर्णय गर्छौ : ऊर्जामन्त्री श्रेष्ठ

ऊर्जा, जलस्रोत तथा सिँचाइमन्त्री विराजभक्त श्रेष्ठले अनुमति लिएर लामो समयसम्म प्रगति नगरेका जलविद्युत् आयोजनाको अवस्था अध्ययन गरी वर्गीकरणका आधारमा आवश्यक निर्णय गरिने बताएका छन्।

सोमबार स्वतन्त्र ऊर्जा उत्पादकहरूको संस्था, नेपाल (इप्पान)को नवनिर्वाचित टोलीसँगको भेटमा मन्त्री श्रेष्ठले वास्तविक लगानीकर्तालाई सरकारले पूर्ण सहयोग गर्ने, तर अनुमति लिएर आयोजना अघि नबढाउने प्रवृत्तिलाई निरुत्साहित गरिने बताए। उनले लाइसेन्स लिएर आयोजना रोकिराख्ने अभ्यास स्वीकार्य नहुने भन्दै त्यस्ता गतिविधिलाई संरक्षण नगर्न इप्पानलाई आग्रह गरे।