हिउँको बाटोमा राजनको खाली खुट्टै मानसरोवर यात्रा

अष्ट्रेलियालाई कर्मथलो बनाएर प्राध्यापन पेसामा आबद्ध नेपाली योगी आचार्य राजन शर्माको यो वर्ष नेपाल आउनुको मुख्य उद्देश्य थियो, कैलाश मानसरोवर पुगेर अन्तर्राष्ट्रिय योग दिवस मनाउनु र यहाँका साधकहरूबीच योग तथा ध्यान कार्यक्रम सम्पन्न गर्नु।

यही उद्देश्य अनुरूप असारको पहिलो साता नेपाल आएलगत्तै उनले कैलाश मानसरोवरमा योग दिवस मनाउने घोषणा गरे। प्रक्रिया पूरा गर्न उनी शिक्षा तथा प्रविधि मन्त्रालय पुगे। मन्त्रालयले उनको हातमा नेपालको राष्ट्रिय झण्डा ठम्याइदियो। असार ३ गते पशुपतिनाथ मन्दिरबाट कैलाश मानसरोवरको यात्रा सुरु गर्दा उनका खुट्टामा न जुत्ता थिए, न त चप्पल नै।