छिन्नमस्ता शक्तिपीठ पहुँचमार्ग निर्माणमा ढिलाइ, तत्काल मर्मत गर्न गाउँपालिकाको माग

सप्तरी । सप्तरीको प्रसिद्ध धार्मिक तथा पर्यटकीय स्थल छिन्नमस्ता शक्तिपीठ जाने पहुँचमार्गको अवस्था जर्जर बनेको भन्दै छिन्नमस्ता गाउँपालिकाले सडक डिभिजन कार्यालय, लहानको ध्यानाकर्षण गराएको छ ।

गाउँपालिकाका अध्यक्ष विद्यानन्द चौधरीले सडक डिभिजनलाई एक पत्र बुझाउँदै विगत तीन दशकदेखि निर्माण प्रक्रियामा अल्झिएको यस महत्वपूर्ण सडकलाई तत्काल मर्मत–सम्भार गरी स्थायी निर्माण कार्य अघि बढाउन माग गरेका हुन् ।