कोशीमा बजेट संशोधनको ‘वैधानिक’ कसरत

विराटनगर । कोशी प्रदेशमा आगामी आर्थिक वर्ष २०८३/८४ को बजेट संशोधन गर्नुपर्ने विषयमा सत्तारुढ दलकै सांसदहरुले जोड दिइरहेका छन् । बजेट विनियोजनमा सन्तुलन नमिलेको र केही निश्चित क्षेत्र तथा पहुँचवालाका निर्वाचन क्षेत्रमा मात्र बजेट थुपारिएको सत्तारुढ दल एमाले र कांग्रेसकै सांसदरुको आरोप छ । त्यति मात्रै होइन, मुख्यमन्त्री हिक्मतकुमार कार्कीले पनि एक सार्वजनिक कार्यक्रममा ‘बजेट बिग्रिएको’ स्वीकार गरेका छन् ।

बिग्रिएको बजेट सच्याउने उपाय खोज्न सरकारको अनुरोधमा प्रदेशसभाको बैठक लगातार स्थगित हुँदै आएको छ । असार ११ गतेको बैठक स्थगित भएर असार १६ गतेका लागि सारिएको बैठक पनि सहमति जुट्न नसकेपछि आगामी असार १८ गतेका लागि बोलाइएको छ ।