गाडी तेर्स्याउने क्षुद्र र बचकाना हर्कतबाट नेपाली जनता तर्सिन्नन्: नारायणकाजी श्रेष्ठ

काठमाडौँ । नेपाली कम्युनिस्ट पार्टीका नेता नारायणकाजी श्रेष्ठले केही स्थापित सञ्चार गृहहरू र प्रतिपक्षी दलका नेताको घरको प्रवेशद्वार अगाडि सडकमा गाडी तेर्स्याउने कार्यलाई ‘क्षुद्र र बचकाना हर्कत’ को संज्ञा दिएका छन् ।

सोमबार सामाजिक सञ्जाल फेसबुकमार्फत आफ्नो धारणा सार्वजनिक गर्दै नेता श्रेष्ठले विरोध र आलोचनाको स्वर बन्द गर्न तथा अभिव्यक्ति स्वतन्त्रतामाथि प्रहार गर्नकै लागि यो सांकेतिक धम्कीको नाटक मञ्चन गरिएको दाबी गरेका छन् ।