‘जलवायु परिवर्तनकै कारण भोटेकोशीमा निम्तियो विनाशकारी बाढी’

यही भदौ १० गते भोटेकोशीमा आएको विनाशकारी बाढीले रसुवा, नुवाकोट र धादिङमा ठूलो मानवीय तथा भौतिक क्षति गरेको छ। वालेन्द्र शाह नेतृत्वको सरकार छिमेकी मुलुकहरूसहित अन्य दक्षिण कोरियार र अस्ट्रेलियाकासमेत जनशक्तिको सहयोग लिएर उद्धारमा लागिरहेको छ ।

बाढी आएको साता दिन बित्दा पनि हजारौँ नागरिक वेपत्ता छन् । प्रधानमन्त्री वालेन्द्रले नै बुधबारसम्म १११४ जनाको ज्यान गएको पुष्टि भइसकेको । उद्धार अभियान चलिरहँदा पुनःस्थापनाको विषय झनै जटिल देखिएको छ । किनकी हजारौँ परिवार जमिनसहित घरबारविहीन बनेका छन् । उक्त तीन जिल्लाका विभिन्न क्षेत्रमा सरकारी प्रशासनिक, स्वास्थ्य, शिक्षा, वित्तीय लगायत सेवा प्रवाह गर्ने निकाय नै कार्यालयविहीन छन् । जसले गर्दा सामाजिक पुनःस्थापनाको विषय जटिल हुने देखिन्छ ।