श्रृङ्गेश्वर धाममा एक महिना पुष्करिणी स्नान महोत्सव हुँदै

गुल्मी । गुल्मीको रुरुक्षेत्र गाउँपालिका वडा नम्बर ४ मा रहेको श्रृङ्गेश्वर तपोभूमी धाममा एक महिनासम्म दिव्य श्रृङ्गेश्वर मौन पुष्करिणी स्नान महोत्सव हुने भएको छ । श्रृङ्गेश्वर तपोभूमी धाम क्षेत्र संरक्षण तथा व्यवस्थापन समितिको आयोजनामा यही असार देखि ३० भदौ १ गतेसम्म पुष्करिणी स्नान महोत्सव हुने भएको हो ।

श्रृङ्गेश्वर धामको चौतर्फी प्रवद्र्धन गर्दै त्यस क्षेत्रको ऐतिहासिक, सामाजिक, धार्मिक तथा पुरातात्विक महिमा र महत्व बढ्ने उदेश्यले मेलाको आयोजना गरिएको हो । त्यसैगरी स्थानीय पर्यटन प्रवद्र्धन तथा आर्थिक र धार्मिक सहिष्णुतामा समेत टेवा पुग्ने विश्वासका साथ मेलाको आयोजना गरिएको धाम व्यवस्थापन समितिका सचिव दामेन्द्र पाण्डेले जानकारी दिए ।