मुग्लिन–नारायणगढ सडकखण्डको पहिरो हटाउने प्रयास जारी

अविरल वर्षापछि विभिन्न स्थानमा पहिरो र लेदो खसेर प्रभावित बनेको मुग्लिन–नारायणगढ सडकखण्डमा अवरोध हटाउने काम जारी रहेको छ।

सडक डिभिजन भरतपुरका अनुसार सोमबार साँझदेखि परेको लगातारको वर्षाका कारण सडकखण्डका विभिन्न स्थानमा पहिरो झरेको थियो। सडक अवरुद्ध हुँदा बीच बाटोमा रोकिएका यात्रु र सवारीसाधनलाई सोमबार राति अबेरसम्म पहिरो हटाएर गन्तव्यतर्फ पठाइएको थियो।