बीमा प्राधिकरणदेखि विद्युतीय राहदानी छपाईसम्मका विषयमा समितिमा छलफल हुँदै

काठमाडौँ । संघीय संसद् प्रतिनिधिसभा अन्तर्गतका चार वटा विषयगत समितिको बैठक आज मङ्गलवार बस्दैछ। आज अर्थ समिति, अन्तर्राष्ट्रिय सम्बन्ध र पर्यटन समिति, शिक्षा, स्वास्थ्य तथा सूचना प्रविधि समिति र सार्वजनिक लेखा समितिको बैठक बस्ने भएको हो।

विभिन्न समितिहरूमा आज बीमा क्षेत्रको नियमन, सांस्कृतिक सम्पदा विधेयक, राष्ट्रिय विधि विज्ञान प्रयोगशाला विधेयक र राहदानी छपाई जस्ता महत्वपूर्ण विषयहरू कार्यसूचीमा रहेका छन्।