पाँच निर्माण कम्पनी कालोसूचीमा, सार्वजनिक खरिदमा सहभागी हुन नपाउने

काठमाडौं । सार्वजनिक खरिद अनुगमन कार्यालयले सार्वजनिक खरिद सम्झौता कार्यान्वयनमा लापरबाही गरेको ठहर गर्दै पाँच निर्माण कम्पनीलाई कालोसूचीमा राखेको छ। कालोसूचीमा परेका कम्पनीले तोकिएको अवधिसम्म कुनै पनि सार्वजनिक निकायको खरिद प्रक्रियामा सहभागी हुन पाउने छैनन्।

प्रधानमन्त्री तथा मन्त्रिपरिषद्को कार्यालयअन्तर्गत रहेको सार्वजनिक खरिद अनुगमन कार्यालयले सार्वजनिक खरिद ऐन, २०६३ र सार्वजनिक खरिद नियमावली, २०६४ बमोजिम विभिन्न सरकारी निकायको सिफारिसका आधारमा उक्त निर्णय गरेको जनाएको छ।