जलवीरेमा पुनः पहिरो, मुग्लिन-नारायणगढ सडक पूर्ण रूपमा बन्द

चितवन। अविरल वर्षासँगै गएको पहिरोका कारण मुग्लिन-नारायणगढ सडकखण्ड अर्को सूचना जारी नभएसम्मका लागि बन्द गरिएको छ।

जिल्ला प्रशासन कार्यालय चितवनले मंगलबार बिहान ६ः३० बजे सूचना जारी गर्दै लगातारको वर्षा र पहिरोको उच्च जोखिमलाई मध्यनजर गर्दै जिल्ला विपद् व्यवस्थापन समितिको आपतकालीन बैठकको निर्णयअनुसार उक्त सडकमा सबै प्रकारका सवारीसाधन सञ्चालनमा रोक लगाइएको जनाएको छ।