मुग्लिन–नारायणगढ सडकखण्डमा सवारी सञ्चालनमा रोक

काठमाडौं । मुग्लिन–नारायणगढ सडकखण्डमा सवारी आवागमन रोकिएको छ । अर्को सूचना नआउँदासम्मका लागि उक्त सडकखण्डमा सवारी आवागमन रोकिएको हो ।

निरन्तर वर्षा भइरहेको र पहिरोको उच्च जोखिम भएकाले सुरक्षाको दृष्टिकोणले अर्काे सूचना जारी नहुन्जेलसम्मका लागि विपद् व्यवस्थापन समितिको आपतकालीन वैठक बसेर उक्त सडकखण्डमा सवारी सञ्चालनमा रोक लगाइएको सडक डिभिजन कार्यालय चितवनले जानकारी दिएको छ ।