किशोरीमाथि जबरजस्ती करणी गरेको अभियोगमा एक युवक पक्राउ

धनगढी । कैलालीको अत्तरीयामा होटलमा राखेर किशोरीमाथि जबरजस्ती करणी गरेको अभियोगमा एक जना युवक पक्राउ परेका छन्।

१४ वर्षीया किशोरीमाथि जबरजस्ती करणी गरेको आरोपमा बैतडीका युवकलाई पक्राउ गरिएको प्रहरीले जनाएको छ। पक्राउ पर्नेमा बैतडीको सिगास गाउँपालिका–१ बस्ने २० वर्षीय राजेश धामी रहेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक(डीएसपी) योगेन्द्र तिमिल्सिनाले जानकारी दिए।