युक्रेनमा ठूलो राजनीतिक हेरफेर: राष्ट्रपति जेलेन्स्कीद्वारा प्रधानमन्त्री स्विरिदेन्को बर्खास्त!

युक्रेनका राष्ट्रपति भोलोडिमिर जेलेन्स्कीले आफ्नो सरकारमा व्यापक फेरबदल गर्दै प्रधानमन्त्री युलिया स्विरिदेन्को (Yulia Svyrydenko) लाई पदबाट हटाउने घोषणा गरेका छन्।

राष्ट्रपति जेलेन्स्कीका अनुसार युक्रेनले आफ्नो राजनीतिक र विदेश नीति रणनीति परिवर्तन गर्न लागेकाले मन्त्रिमण्डलमा यो नयाँ फेरबदल आवश्यक भएको हो। निवर्तमान प्रधानमन्त्री स्विरिदेन्कोले पनि सामाजिक सञ्जालमार्फत आफ्नो राजीनामा पुष्टि गर्दै युक्रेनको आधुनिक इतिहासकै सबैभन्दा कठिन समयमा सरकारको नेतृत्व गर्न पाएकोमा गर्व लागेको बताएकी छिन्। उनी करिब एक वर्षअघि मात्र प्रधानमन्त्री नियुक्त भएकी थिइन्।