शेख हमादको निधनमा शोक व्यक्त गर्न उपराष्ट्रपति यादव कतार जाँदै

काठमाडौँ । उपराष्ट्रपति रामसहाय प्रसाद यादव कतारका ‘फादर अमिर’ शेख हमाद बिन खलिफा अल थानीको निधनमा नेपाल सरकारको तर्फबाट शोक व्यक्त गर्न कतारको औपचारिक भ्रमणमा जाने भएका छन्। उपराष्ट्रपति कार्यालयका अनुसार उपराष्ट्रपति यादव आज दिउँसो कतार प्रस्थान गर्ने छन् ।

उनी साउन ३० देखि साउन ३२ गतेसम्म कतारको भ्रमणमा रहनेछन्।भ्रमणका क्रममा उपराष्ट्रपति यादवले साउन ३१ गते कतारका अमिर शेख तमिम बिन हमाद अल थानीलाई भेट्ने कार्यक्रम छ। सो अवसरमा उनले राष्ट्रपति रामचन्द्र पौडेलले पठाएको शोक सन्देशको पत्र कतारी अमिरलाई हस्तान्तरण गर्नेछन्।