आत्मदाह गरेका गणेशको पारिवारिक अवस्था

मुगु । काठमाडौंको त्रिपुरेश्वरमा जरिबाना तिर्ने विषयमा भएको विवादपछि आत्मदाह गरी मृत्युमा पुगेका मुगुको सोरु गाउँपालिका–१, जवालधारा निवासी २५ वर्षीय गणेश नेपालीको निधनको खबरसँगै जन्मगाउँ सोरु गाउँपालिकाको जवालधारा शोकमा डुबेको छ ।

गणेशको निधनको खबर गाउँ पुग्नासाथ जवालधारामा शोकको वातावरण छाएको स्थानीय ज्वारी शाहीले बताए । उनका अनुसार गाउँका अधिकांश बासिन्दा स्तब्ध छन् भने पाँचजना परिवारको आशाको दियो ढलेको छ । एक मेहनती तथा संघर्षशील युवाको असामयिक निधनले सबै नेपाली विशेष गरी मजदुरी गरेर खाने वर्गलाई मर्माहत बनाएको छ ।