हुथीद्वारा साउदी अरबमाथि मिसाइल आक्रमण

रियाद । यमनको सशस्त्र समूह हुथीले साउदी अरबमाथि मिसाइल प्रहार गरेको छ । आफूहरूको नियन्त्रणमा रहेको सना अन्तर्राष्ट्रिय विमानस्थलमा साउदी अरबले हवाई आक्रमण गरेको आरोप लगाएपछि हुथीले यो आक्रमण गरेको हो ।

यस आक्रमणले दुवै पक्षबिच चार वर्षदेखि कायम रहेको अनौपचारिक शान्ति अवधि अन्त्य भएको सङ्केत दिएको छ । साउदी नेतृत्वको सैन्य गठबन्धनका प्रवक्ताका अनुसार हुथी समूहले दक्षिणी क्षेत्रमा लक्षित गरी प्रहार गरेका मिसाइलहरू साउदी हवाई प्रतिरक्षा प्रणालीले बिचमै अवरोध गरी नष्ट गरेको छ ।