बीमा दाबी फर्छ्यौट ६ महिनाभित्रै सक्ने प्राधिकरण अध्यक्ष पौडेलको प्रतिबद्धता

काठमाडौँ । नेपाल बीमा प्राधिकरणकी अध्यक्ष चन्द्रकला पौडेलले बीमा दाबी फर्छ्यौट प्रक्रियालाई कानुनले तोकेको ६ महिनाको समयसीमाभित्र ल्याउने प्रतिबद्धता व्यक्त गरेकी छन्।

संघीय संसद्को अर्थ समितिको मंगलबार बसेको बैठकमा सांसदहरूले उठाएका जिज्ञासाको जवाफ दिँदै उनले आगामी दसैँसम्ममा पुराना दाबीहरूको छिनोफानो गरी फर्छ्यौट प्रक्रियालाई तीव्र बनाइने बताएकी हुन्।