मिडिया कार्यालय अगाडि पार्किङ गराएर राज्य आतंक सिर्जना गरिएको छ - ज्ञानेन्द्र शाही

राष्ट्रिय प्रजातन्त्र पार्टी (राप्रपा) संसदीय दलका नेता ज्ञानेन्द्र शाहीले सरकारले राज्य संयन्त्रको दुरुपयोग गरी समाजमा आतंक सिर्जना गरेको आरोप लगाएका छन् ।

प्रतिनिधिसभाको आजको बैठकमा बोल्दै सांसद शाहीले सञ्चारमाध्यम र प्रतिपक्षी दलका नेताहरूलाई लक्षित गरी सरकारले गलत गतिविधि गरिरहेको दाबी गर्नुभयो । उनका अनुसार मिडिया र प्रतिपक्षी नेताका घर अगाडि अवैध रूपमा सवारीसाधन पार्किङ गराउने, त्यसको भिडियो खिचेर सामाजिक सञ्जालमा फैलाउने र 'अल्गोरिदम' को प्रयोग गरेर जनमतलाई गलत रूपमा प्रभावित पार्ने काम भइरहेको छ । सरकारले यस्ता गतिविधिमार्फत विरोधीहरूलाई दबाउन खोजेको उनको आरोप छ ।