हेटौँडा कपडा उद्योग फेरि संचालन हुँदै, परीक्षण उत्पादनको तयारी

वर्षौंदेखि बन्द रहेको देशकै ठूलो हेटौँडा कपडा उद्योग अन्ततः फेरि सञ्चालनमा आउने भएको छ। उद्योगलाई दीर्घकालीन रूपमै चलाउने अठोटसहित सरकारले पहिलो चरणमा परीक्षण उत्पादनको कामलाई तीव्रता दिएको छ।

उद्योग मन्त्रालयको कार्यदलले मन्त्री गौरीकुमारी यादवलाई यसको विस्तृत प्रतिवेदन बुझाएको छ। सबैभन्दा उत्साहजनक कुरा त के छ भने, नेपाली सेनाले अबको दुई महिनाभित्रै कपडाको परीक्षण उत्पादन सुरु गरिसक्नेछ।