रुरुक्षेत्रले सबै घरको बीमा गरिदिने

गुल्मी । गुल्मीको रुरुक्षेत्र गाउँपालिकाले पालिकाभित्र निर्माण भएका घरहरुको बीमा गरिदिने भएको छ । विभिन्न कारणबाट हुने क्षतिबाट पुननिर्माणमा सहयोग पुग्ने उदेश्यले घरबीमा कार्यक्रम अगाडी बढाइएको हो ।

गाउँपालिकाले एक सूचना जारी गर्दै कच्ची घर, पक्की घर, व्यापारिक प्रयोजनका लागि बनाइएका भवन, गोठ लगायतका संरचनाको आवश्यक कागजपत्र वडा कार्यालयमा पेश गर्न आग्रह गरेको प्रशासन शाखा प्रमुख राम प्रसाद ज्ञवालीले जानकारी दिए । यो कार्यक्रमका लागि पालिकाले चालु आर्थिक बर्षमा पाँच लाख बजेट बिनियोजन गरेको छ ।