उत्तर कोरियाली आणविक परीक्षण अध्ययन गरेका अमेरिकी वैज्ञानिक चीनमा जासुसीको आरोपमा थुनामा

बेइजिङ । उत्तर कोरियाको आणविक परीक्षण पत्ता लगाउने विषयमा अनुसन्धान गरेका चिनियाँ मूलका अमेरिकी भूकम्प वैज्ञानिक युलिन चेनलाई चीनले करिब दुई वर्षदेखि हिरासतमा राखेको र जासुसीको आरोपमा मुद्दा चलाउने तयारी गरेको खुलासा भएको छ।

५४ वर्षीय चेनको अवस्था पहिलोपटक सार्वजनिक भएको हो। उनको मुद्दाले अमेरिका र चीनबीचको संवेदनशील सम्बन्धमा नयाँ तनाव थपिएको विश्लेषण गरिएको छ। अमेरिकी राष्ट्रपति डोनाल्ड ट्रम्पले गत वर्षको व्यापार युद्धपछि चीनसँगको सम्बन्ध स्थिर राख्ने प्रयास गरिरहेका बेला यो घटना सार्वजनिक भएको हो।