प्रश्न सोध्ने नागरिकलाई सजाय दिने प्रवृत्ति बढ्यो : सांसद निश्कल राई

प्रतिनिधिसभा सदस्य निश्कल राईले नेताको घर अगाडि शंकास्पद गाडी पार्किङ ,सुकुम्बासी होल्डिङ सेन्टरमा भएको दमन तथा गणेश नेपालीको मृत्युपछिका घटनाक्रम एउटै प्रवृत्तिसँग जोडिएको बताएका छन्।

यी सबै घटनाले सरकार प्रश्न उठाउने नागरिकलाई दण्डित गर्ने मानसिकतामा अघि बढिरहेको संकेत गरेको बताएका छन्। उनले गृहमन्त्रीको कार्यक्षेत्रभित्र पर्ने सुरक्षा र व्यवस्थापनमा कमजोरी देखिएको अवस्थामा त्यसको जिम्मेवारी स्वीकार गर्नुको सट्टा स्थानीय तहलाई दोष थोपर्ने प्रयास भएको भन्दै नागरिकले ज्यान गुमाएको दुःखद घटनालाई समेत राजनीतिक लाभका लागि प्रयोग गर्न खोजिएको बताए।