शिक्षा नियमावलीको संशोधनप्रति सामुदायिक विद्यालय व्यवस्थापन महासंघको आपत्ति

विराटनगर । शिक्षा नियमावली २०५९ को दशाैं संशोधनप्रति सामुदायिक विद्यालय व्यवस्थापन समिति महासङ्घ नेपालले आपत्ति प्रकट गरेको छ। संशोधनका नाममा सामुदायिक विद्यालयलाई कमजोर बनाउन सरकार नै लागेको भन्दै महासङ्घले गम्भीर ध्यानाकर्षण भएको जनाएको छ।

देशभरका २६ हजारभन्दा बढी सामुदायिक विद्यालयका व्यवस्थापन समितिहरूको छाता सङ्गठनको रूपमा रहेको महासङ्घले सरकारले गरेको संशोधनले सामुदायिक विद्यालयलाई ध्वस्त बनाउने कुत्सित मनसाय राखेको आरोप लगाएको छ ।