अब केही बोलौं भने घरमा गाडी तेर्स्याउन आउने डर भयो : वर्षमान पुन

३० असार, काठमाडौं । नेकपाका नेता तथा सांसद वर्षमान पुनले सार्वजनिक चासोका विषयमा बोल्दासमेत घरमा गाडी तेर्स्याउन आउने हुन कि भन्ने डर उत्पन्न भएको भन्दै सरकारप्रति व्यङ्ग्य गरेका छन् ।

लेखा समितिको आजको बैठकमा पासपोर्ट ठेक्का विवादबारे बोल्दै उनले यस्तो बताएका हुन् । ‘जनताले उठाएको विषय बोल्नुपर्ने हुन्छ, त्यसक्रममा संविधानका मर्यादा र कार्यक्षेत्र पनि हेर्नुपर्ने हुन्छ, त्यसो नगरे लोकतान्त्रिक संस्था मजबुत हुँदैनन्,’ उनले भने ।