नागरिक एपको सुरक्षामा प्रश्न, के साँच्चै जोखिममा छ त प्रयोगकर्ताको विवरण ?

काठमाडौँ । केही दिनयता सामाजिक सञ्जालमा सरकारी डिजिटल सेवा नागरिक एपमा ‘गम्भीर सुरक्षा कमजोरी’ फेला परेको दाबीसहितका सामग्री फैलिएका छन् । साइबर सुरक्षा अनुसन्धानकर्ता निश्चल लामिछानेले यससम्बन्धी विषय उठान गरेपछि यो बहसमा आएको हो ।

यसै विषयमा विभिन्न अनुसन्धानकर्ताले प्राविधिक विश्लेषण र प्रतिवेदन सार्वजनिक गरेका छन् भने एप व्यवस्थापन पक्षले यसलाई प्रणाली नै जोखिममा पर्ने खालको सुरक्षा उल्लङ्घन नभएको दाबी गरेको छ ।