सुकुम्बासी परिवारले गुहारे मानवअधिकार आयोग

काठमाडौँ। भूमिहीन सुकुम्बासी तथा अव्यवस्थित बसोबासी परिवारले राष्ट्रिय मानवअधिकार आयोगसँग गुहार मागेका छन्।

उनीहरूका तर्फबाट दलमर्दन कामी, प्रमिला राई, झवरलाल उराँव, कल्पना थापा, नीरकुमार मगर, रामकुमारी राई, कमला उराँव र गोपाल माझीलगायतको प्रतिनिधिमण्डलले राष्ट्रिय मानवअधिकार आयोगका अध्यक्ष तपबहादुर मगरलाई मंगलबार भेटेर आफ्ना गुनासा सुनाएको छ। अध्यक्ष मगरकै कार्यकक्षमा भएको भेटमा भूमिहीन परिवारले मानवअधिकार संरक्षणसम्बन्धी अपिलपत्र बुझायो।