सुस्तामा सेनाको 'विपद् रेकी' र थप सशस्त्र प्रहरी खटिएकोबारे हामीलाई के थाहा छ

सीमा सुरक्षामा सहयोग, नागरिकता र आफ्नो जग्गाको लालपुर्जा लगायतको माग गर्दै सुस्ताका स्थानीय बासिन्दाले काठमाण्डूमा आएर प्रदर्शन गरेको केही समयपछि त्यहाँ बसोबास गर्नेहरूको तथ्याङ्क सङ्कलन थालिएको अधिकारीहरूले बताएका छन्।

भारतसँग जोडिएको र सीमा विवादको समस्या रहँदै आएको सुस्तास्थित सीमा पोस्टमा सशस्त्र प्रहरीको जनशक्ति पनि थपिएको स्थानीय अधिकारीहरूले बताइरहँदा नेपाली सेनाको एक टोलीले पनि विपद् पूर्वतयारीको सिलसिलामा त्यस क्षेत्रको भ्रमण गरेको जनाएको छ।