एसियाली उमेरसमूह पौडी च्याम्पियनसिपमा नेपालका १६ खेलाडीले प्रतिस्पर्धा गर्ने

काठमाडौँ । थाइल्याण्डमा आयोजना हुने १२ औँ एसियाली उमेरसमूह पौडी (स्विमिङ) च्याम्पियनसिपमा नेपालका १६ खेलाडीले चुनौती प्रस्तुत गर्ने भएका छन्।

थाइल्याण्डको बैंकक सहरमा जुलाई १७ देखि २७ सम्म हुने उक्त प्रतियोगितामा नेपालका ६ महिला र १० पुरुष गरी १६ खेलाडीले प्रतिस्पर्धा गर्नेछन्। १६ खेलाडीसहित कुल १९ सदस्यीय नेपाली टोली बुधबार थाइल्याण्ड प्रस्थान गर्ने कार्यक्रम छ।