खोज, उद्धार र राहतका लागि निजी क्षेत्रले सरकारलाई हेलि र ड्रोन दिने

काठमाडौँ । विपद्‌मा परेका व्यक्तिहरुको खोज तथा उद्वारका लागि प्रयोग हुने गरी हेलि, ड्रोन र राफ्टिङ्ग उपलब्ध गराउने विषयमा राष्ट्रिय विपद् जोखिम न्यूनीकरण तथा व्यवस्थापन प्राधिकरण र वायुसेवा सञ्चालक संघ, नेपाल, नेपाल ड्रोन संघ र नेपाल एसोसिएसन अफ राफ्टिङ्ग एजेन्सिज् (नारा) बिच समझदारी पत्रमा हस्ताक्षर भएको छ ।

आज प्राधिकरणमा आयोजित एक कार्यक्रममा यी तीन वटा संस्था र प्राधिकरणबिच समझदारी पत्रमा हस्ताक्षर भएको हो । वायुसेवा सञ्चालक संघ, नेपालसँगको समझदारी अनुसार काठमाडौं उपत्यकाभित्र उडान गर्नु परेमा निःशुल्क उपलब्ध गराउने र उपत्यका बाहिर उडान गर्नुपरे न्यूनतम सञ्चालन खर्चमा सेवा दिने समझदारी भएको छ ।