महेश्वरभक्त श्रेष्ठ वायुसेवा निगमको महाप्रबन्धकसहित कार्यकारी अध्यक्ष नियुक्त

३० असार, काठमाडौं । सरकारले महेश्वरभक्त श्रेष्ठलाई नेपाल वायुसेवा निगम (नेवानि)को महाप्रबन्धकको समेत काम गर्नेगरी कार्यकारी अध्यक्ष नियुक्त गरेको छ ।

मंगलबार बसेको मन्त्रिपरिषद् बैठकले श्रेष्ठलाई महाप्रबन्धकसमेतको काम गर्नेगरी कार्यकारी अध्यक्षको रूपमा नियुक्त गरेको सरकारका प्रवक्ता समेत रहेका शिक्षामन्त्री सस्मित पोखरेलले जानकारी दिए ।