राप्रपाको आन्तरिक विवाद : कुटपिट प्रकरणमा ६ महिला कार्यकर्तालाई जरिवाना र उपचार खर्च भराउने फैसला

काठमाडौँ । राष्ट्रिय प्रजातन्त्र पार्टी (राप्रपा) भित्रको आन्तरिक विवादका कारण सिर्जित कुटपिट र अभद्र व्यवहारको मुद्दामा जिल्ला प्रशासन कार्यालय काठमाडौँले फैसला सुनाएको छ। प्रमुख जिल्ला अधिकारी ईश्वरराज पौडेलको इजलासले राप्रपा आबद्ध ६ जना महिला कार्यकर्तालाई दोषी ठहर गर्दै जरिवाना र घाइतेलाई उपचार खर्च भराउने निर्णय गरेको हो।

फैसला अनुसार, राप्रपाभित्रकै अर्की कार्यकर्ता नानीमैयाँ आचार्यलाई अभद्र व्यवहार गरेको र घाइते बनाएको अभियोगमा अनिता विमली, कुमारी स्याङ्तान, प्रविता भण्डारी (अन्जु सुवेदी), नारायणी राई, रिता लाखाजु र विमली श्रेष्ठ दोषी ठहर भएका छन्।