सरकारका प्रवक्तालाई प्रश्न: मिडिया हाउसअघि गाडी पार्किङमा तपाईंहरूको संलग्नता छ ?

काठमाडौं । सरकारका प्रवक्ता एवं सञ्चार तथा सूचना प्रविधि मन्त्री सस्मित पोखरेलले पछिल्लो समय मिडिया हाउस र नेताहरूको निवास अगाडि देखिएको ‘गाडी पार्किङ’ र त्यसले निम्त्याएको अन्योलबारे सरकारको धारणा प्रष्ट पारेका छन् ।

मंगलबार मन्त्रिपरिषद्का निर्णयहरू सार्वजनिक गर्न आयोजित पत्रकार सम्मेलनमा बोल्दै प्रवक्ता पोखरेलले यस प्रकरणमा सरकारको कुनै संलग्नता नरहेको र कानुन मिच्ने जोसुकै भए पनि कारबाहीको दायरामा आउने बताए ।