परराष्ट्रमन्त्री खनाल र बेलायतका रक्षा मन्त्रीबीच भर्चुअल संवाद, के भयो कुराकानी?

काठमाडौं : परराष्ट्रमन्त्री शिशिर खनाल र बेलायतका रक्षामन्त्री ड्यान जार्भिसबीच मंगलबार भर्चुअल संबाद भएको छ। लामो समयदेखि समाधान हुन नसकेको ब्रिटिस गोर्खासम्बन्धी विषयमा दुई पक्षबीच संबाद भएको परराष्ट्र मन्त्रालयले जनाएको छ।

मन्त्रालयका अनुसार परराष्ट्रमन्त्री खनालले नेपाल-बेलायत सम्बन्धमा ब्रिटिस गोर्खाको ऐतिहासिक र महत्वपूर्ण योगदानको चर्चा गर्दै उनीहरूको लामो समयदेखिको गुनासो आपसी सहमतिमा आधारित समाधानमार्फत यथाशीघ्र टुंग्याउनुपर्नेमा जोड दिएका थिए।