चालकलाई चिट काटेपछि ट्राफिकले २५ प्रतिशत कमिसन पाउँछ ?

ट्राफिक प्रहरीले नियम उल्लंघन गर्नेहरूबाट उठाइने जरिवाना वापत २५ प्रतिशत विशेष भत्ता पाउने गरेको भनी सञ्चार माध्यम र सामाजिक सञ्जालमा आएका समाचार तथा टिप्पणीप्रति नेपाल प्रहरीले गम्भीर ध्यानाकर्षण भएको जनाएको छ । नेपाल प्रहरी प्रधान कार्यालयले एक विज्ञप्ति जारी गर्दै उक्त प्रचारमा कुनै सत्यता नभएको र त्यो पूर्णतः भ्रमपूर्ण रहेको स्पष्ट पारेको हो ।

केन्द्रीय प्रहरी प्रवक्ता एवं प्रहरी नायव महानिरीक्षक अबि नारायण काफ्लेका अनुसार, ट्राफिक नियम उल्लंघन गरे वापत सङ्कलन हुने जरिवानाको रकम सिधै नेपाल सरकारको राजस्व खातामा जम्मा हुने गर्दछ । यस वापत ट्राफिक प्रहरीले कुनै पनि अतिरिक्त शुल्क वा सुविधा पाउने कानुनी व्यवस्था नरहेको प्रहरीले स्पष्ट पारेको छ ।