ब्रिटिश गोर्खा सैनिकबारे परराष्ट्रमन्त्री खनाले गरे बेलायतसँग संवाद

काठमाडौँ। परराष्ट्रमन्त्री शिशिर खनाल र बेलायतका रक्षा राज्यमन्त्री ड्यान जार्विस ज्यलबिच छलफल भएको छ। मङ्गलबार भएको भर्चुअल छलफलमा विगत लामो समयदेखि समाधान हुन नसकेका भूतपूर्व ब्रिटिश गोर्खाहरूका गुनासो र मागहरूको सम्बोधन गर्ने विषयमा कुराकानी भएको परराष्ट्र मन्त्रालयले जनाएको छ।

परराष्ट्रमन्त्री खनालले नेपाल र बेलायत बिचको ऐतिहासिक सम्बन्धमा ब्रिटिश गोर्खाहरूको योगदान अतुलनीय रहेको उल्लेख गर्दै गोर्खाहरूको यो लामो समयदेखिको समस्यालाई जतिसक्दो चाँडो आपसी सहमतिमा टुग्यांउन आग्रह गरेका छन्।