एशियन युथ चेसमा सहभागी हुन नेपाली टोली चिन प्रस्थान

काठमाडौं । नेपाल बुद्धिचाल महासंघको पहलमा जुलाई १५ देखि २५ सम्म चीनको सेनजेनमा आयोजना हुने २८औँ एसियन युथ चेस च्याम्पियनसिप २०२६ मा सहभागी हुन नेपाली युवा बुद्धिचाल टोली सोमबार चीन प्रस्थान गरेको छ ।

प्रतियोगितामा नेपालका सिएम पुरुषोत्तम सिलवाल, आयुष भण्डारी, अग्रिम शैंजु, श्रेषा दुवाल र निहाना श्रेष्ठले प्रतिस्पर्धा गर्नेछन्। टोलीलाई नेपाल बुद्धिचाल महासंघका अध्यक्ष हेराकाजी महर्जन र महासंघका प्रवक्ता राजु ताम्राकारले बिदाइ गरेका हुन् ।