रातो पासपोर्ट दुरुपयोग मुद्दा : संविधानसभाका तीन पूर्व सदस्यविरुद्धको सजाय उच्च अदालतबाट सदर

काठमाडौँ / उच्च अदालत पाटनले रातो पासपोर्ट दुरुपयोग तथा कीर्ते कागजसम्बन्धी मुद्दामा तत्कालीन संविधानसभाका तीन सदस्यलाई दोषी ठहर गर्दै जिल्ला अदालत काठमाडौँले दिएको फैसला सदर गरेको छ।

न्यायाधीशद्वय खड्कबहादुर केसी र गोपालप्रसाद बाँस्तोलाको संयुक्त इजलासले असार २३ गते गायत्री साह, विश्वनाथप्रसाद यादव र शिवपुजन राय यादवविरुद्ध जिल्ला अदालतले २०७१ जेठ २१ गते सुनाएको फैसला सदर गरेको हो।