लुम्बिनी प्रदेश : मन्त्रालय घटाउने निर्णय कार्यान्वयनमा अझै समय लाग्ने

बुटवल । लुम्बिनी प्रदेश सरकारले प्रशासनिक खर्च कटौती गर्ने उद्देश्यले नयाँ आर्थिक वर्षको सुरुवात (साउन १ गते)देखि लागु हुने गरी १२ मन्त्रालयलाई घटाएर ८ वटा कायम गर्ने निर्णय गरे पनि कार्यान्वयनमा आउन अझै समय लाग्ने देखिएको छ ।

जेठ महिनामा बसेको मन्त्रिपरिषद् बैठकले मन्त्रालयको संख्या १२ बाट ८ मा झार्ने निर्णय गरेको थियो । प्रदेश सरकारले सार्वजनिक गरेको नीति तथा कार्यक्रममा समेत मन्त्रालयको संख्या घटाउने योजना समेटिएको छ ।